На 5 Мај се одбележува Денот на македонскиот јазик, денот кога во 1945 г. е озаконета македонската азбука;
По официјализирањето, на 5 Мај 1945 г. со Решение на Народната влада на Федерална Македонија е усвоена азбуката на македонскиот јазик врз принципот еден глас – една буква;
На 7 јуни 1945 г. е усвоен и правописот на македонскиот јазик, а набргу следуваат и основоположничките дела на великанот на македонскиот јазик, Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик – и со тоа се заокружува кодификацијата на македонскиот јазик. Да си го сакаме јазикот со тоа што ќе ги почитуваме неговите правила, ќе пишуваме на кирилица и ќе читаме македонски автори.
