Децата се нашето најдрагоцено и најголемо богатство – да ги мотивираме, инспирираме, поттикнуваме, поддржуваме и правилно воспитуваме за утре да се гордееме на нивните успеси кои несомнено ќе следат.
Со презентации, музички изведби, претстави, игри и спортско-рекреативни активности, во периодот од 07.10.2024 – 13.10.2024 година ООУ „Кочо Рацин“ ја одбележува Детската недела којашто оваа година е под мотото „Правата на детето – безбеден чекор кон среќно детство!“
Во Рамките на Детската недела, којашто е и законска манифестација наменета за децата согласно член 221 од Законот за заштита на децата, сите земји, вклучително и РС Македонија, членките на ООН ставаат посебен акцент на детето и на правата на детето предвидени во законските регулативи имплементирани кај секоја држава, а кои произлегуваат од Конвенцијата за правата на детето при ООН.
