Грижата едни за други, ставањето на колективното добро, пред индивидуалното е мотивот по кој беше работена Програмата за еднакви можности помеѓу жените и мажите во Општина Дојран.
Од одржани над 20 работилници за врсничко насилство, вчера (15.12.2022 год.) во подрачното училиште во Николиќ, беше одржана и средба со родителите на која се зборуваше за врсничкото насилство како генерален, општествен проблем.
Родителите беа известени како се одвиваа работилниците за врсничко насилство со нивните деца. Стручниот соработник – психолог од Центарот за социјални работи зборувајќи од сопственото долгогодишно професионално искуство им даде насоки и совети на родителите како до подобра и поефективна комуникација со своите деца, а особено со децата кои се во предадолесцентен и адолесцентен период.
Родителите се изјаснија – сметаат дека ваквите обуки и работилници им се добредојдени на децата. За следната календарска година, повторно се планирани работилници со учениците од ООУ „Кочо Рацин“ – Нов Дојран на најразлични теми од кои децата би имале полза.
smart 
smart