Собирај амбалажен отпад, направи уметничко дело и стани дел од иницијативата за почиста и поздрава средина на Пакомак. За делата направени само со електронски отпад следува специјална награда од Нула Отпад ДОО Скопје.
Конкурсот трае од 26.01.2024 до 26.02.2024година. Сите скулптури ќе треба да се достават или испратат по карго служба во Кинотека на Република Северна Македонија, во Скопје („Другарче”, наспроти средното училиште „Никола Карев”) на 26.02.2024 или 27.02.2024 година до 16 часот.
Награди: Наградниот конкурс „Trash for art 2024“ е отворен за возрасни и за деца, кои ќе се натпреваруваат во три категории: – градинки; – основни училишта; – поединци и други институции (средни училишта, факултети, невладини организации и други).
Во секоја категорија ќе бидат доделени по три награди – за прво, второ и за трето место. Основни училишта:
1 место награда – 30.000 денари
2 место награда – 20.000 денари
3 место награда – 10.000 денари
Правила: Делата треба да бидат изработени од минимум 10 парчиња амбалажен отпад (од ист или од различен тип амбалажа) и да бидат високи до 150 см;· Под амбалажен отпад се подразбираат: лименки, пластични и стаклени шишиња, тегли, капачиња, картонски кутии, конзерви, амбалажа од козметика и од средства за чистење, фолија за пакување, дрвени палети, тетрапак, кеси од чипс, обвивки и сл;· Еден учесник може да пријави и повеќе дела, но не може да освои повеќе од една награда. Сите учесници кои ќе направат скулптура од електронски отпад ќе можат за истата скулптура да добијат награда и во категоријата за специјални награди од Нула Отпад ДОО Скопје;· Делата треба да се достават на 27.02.2024 година, во Кинотека на Република Северна Македонија, во Скопје;· На веб-страницата на „Пакомак“ ќе биде објавено кои дела се наградени и тие ќе останат во сопственост на „Пакомак“;· Недобитните дела ќе може да се подигнат на 29.02 и 30.02.2024 година до 16 часот. Недобитните дела кои нема да бидат подигнати до 30.02.2024 Пакомак нема обврска да ги чува и истите ќе бидат рециклирани;· Пријавата за учество се пополнува при предавањето на делата, не е потребно претходно пријавување.
