Денес, со низа активности, учениците од прво до петто одделение при ПУ Стар Дојран го одбележаа 1 Јуни – Меѓународниот ден на детето (заштита на децата). Целта на одбележувањето на овој ден е да се сврти вниманието на широката јавност на сите обврски кои општеството ги има кон децата, како и најважните проблеми со кои децата се соочуваат. Во однос на актуелната проблематика, беше реализирана и работилница за справување со врсничко насилство на којашто учениците и наставничките дискутираа и анализираа ситуации од секојдневниот живот.
