Денес се одржа предавање и дискусија на тема „НЕ за пушењето и алкохолот“. На предавањето присуствуаа учениците од IX одделение при ООУ „Кочо Рацин“ – Нов Дојран, а предавањето го одржаа наставничката по биологија – Гордана Терзиева, заедно со стручниот соработник, односно педагог – Жаклина Кречева.
Штетноста од пушењето цигари и пиењето алкохол е неоспорна, но сепак борбата против истото не е ни најмалку лесна. Бројот на пушачите меѓу младите постојано расте и се започнува на сè помлада возраст, а иста е состојбата и со консумирањето на алкохолот.
Важна компонента во борбата против пушењето и консумирањето алкохол претставува укажувањето на последиците иако бројните истражувања покажуваат дека младите се сосема свесни за опасностите, зависноста и борбата против истите. Фокусот на денешното предавање беше учениците да располагаат со детални информации, при што е неопходно да се обрне внимание на следните прашања:
- Kако да се осознаат последиците од пушењето;
- Како да се одолее на притисокот на општествената средина, особено на врсниците;
- И како да се донесе одлука за непушење и непиење алкохол.
