Почитувани ученици и родители,
Декември пристигна, месец во кој сѐ што сакаме е забава, подароци, убави мигови со саканите и спомени што засекогаш ќе ги чуваме. Дојде декември и го означи почетокот на празниците, дарувањето и хуманоста!
Во пресрет на новогодишните и божиќните празници, Фондација Елеуса ја започнува големата кампања „Подари дел од твојата трпеза – нахрани гладен“.
Целта на оваа кампања е сите заедно да се вклучиме во прибирање на прехранбени намирници за подготовка на хуманитарните пакети коишто ќе се испраќаат до најзагрозените семејства во Општината. Во акцијата може да се вклучите преку донација на нерасиплива храна (тестенини, масло за јадење, паштети, конзерви, зрнеста храна итн.) којашто понатаму ќе биде распределена онаму каде што е најпотребна.
Хуманитарната акција ќе трае од 18.12.2023 до 21.12.2023 година, а донациите се доставуваат во просториите на ООУ „Кочо Рацин“ – Нов Дојран.
