Нашите предци, кои несебично се бореле за слободата, знаеле дека не постои едноставен пат до слободата.
Денес е наш ред, да им се поклониме, да се заблагодариме на храброста, истрајноста и човечноста која ја покажале тогаш кога било најпотребно.
Ви благодариме борци за слободата на нашиот Дојран. Сега и секогаш ќе останеме неми пред вашите големи дела, сега и секогаш ќе Ве споменуваме со благонаклоност и огромна почит.
Токму во чест на нашите храбри предци, денес, ние во слобода и радост, го славиме денот на ослободувањето на Дојран.
Крос на учениците од ООУ „Кочо Рацин“ – Нов Дојран во женска и машка конкуренција:
3 место – Симона Колевска
2 место – Роза Стамкова
1 место – Шукрије Курти
3 место – Илија Николиќ
2 место – Теодор Чуков
1 место – Митко Гогов;
Свечена изведба на хористите при ООУ „Кочо Рацин“ под диригентската палка на менторот Крсте Гогов;
Положување свежо цвеќе пред спомен обележјето на паркот во Нов Дојран;
Доделување на награди и признанија на учениците од страна на градоначалникот на Општина Дојран, Анго Ангов;
Читање на литературни творби за Дојран:
3 место – Данче Гогова VII – A одд.
2 место – Јована Мазнова – VIII – Б одд.
1 место – Михаела Ајцева – IX одд.
Настап со традиционални танци на нашите ученици при ФА „Мегдан“.
Нека ни е честит 5 Ноември – Денот на ослободувањето на Дојран!
