Институтот за македонски јазик „Крсте Мисирков“ во Скопје, по повод јубилејот 70 години од основањето распишува Конкурс за најдобар есеј за ученици од основните училишта на тема „Јазикот наш денешен“.
На Конкурсот имаат право да учествуваат сите ученици од основните училишта во Р С Македонија.
Трудовите треба да бидат во форма на есеј, од 250 до 350 збора, напишан со фонт Times New Roman, со големина на буквите 12 и проред 1,5.
Трудовите треба да бидат напишани електронски, на македонски јазик со кирилично писмо.
Пред есејот задолжително треба да го наведете вашето име и презиме и називот на училиштето.Комисијата ќе додели дипломи и награди за трите најдобри есеи.
Спонзори на наградите се издавачките куќи „ТРИ“, „Антолог“ и „Култура“.
Конкурсот трае до 10 април 2023 година.
Резултатите од Конкурсот ќе бидат објавени на 5 мај 2023 година – Денот на македонскиот јазик, на огласната табла и на веб-страницата на Институтот, а наградите ќе бидат врачени на 28 јуни 2023 година при одбележувањето на јубилејот, во рамките на Отворените денови на Институтот.
Наградените треба да приложат отпечатен примерок од есејот и потврда од училиштето.
Пријава: https://docs.google.com/forms/d/e/1FAIpQLSfnwmfGLvp7mFK1gixGyEfQxEA-E765MLrCevFyBz6Y0N51cw/viewform?pli=1&fbclid=IwAR26TRNZQ27MEYGdqsWmfwEvyk1-_BlKwZNpQdb4c6Y1BPse-MF2xCYF9Zc